12.06.2023 жылы «Балдырған» жазғы демалыс лагері оқушыларымен бірге «Велосипедшілер» күні аталып өтілді.

12.06.2023 жылы «Балдырған» жазғы демалыс лагері оқушыларымен бірге «Велосипедшілер» күні аталып өтілді.Оқушыларға велосипедтің шығу тарихы, пайдасы туралы түсінік берілді.Жер шарында миллиардтан астам велосипед бар екен. Бұл жайлы, экологиялық таза және салауатты көліксіз бүгінгі күнді елестету қиын. Сонымен қатар, болашақ велосипедке тиесілі. Көптеген мемлекет жолдардағы велосипедшілер санын көбейтуге, сол арқылы автомобильдер санын, олар арқылы шығатын атмосфераға зиянды шығарындыларды азайтуға тырысып жатыр. Велосипед экологиялық шығынсыз және көшедегі шу деңгейін де арттырмайды.Тұрақты велосипедпен жүрудің денсаулыққа пайдасы айқын: ұйқы мен зат алмасу жақсарады, демек, ас қорыту, төзімділік пен бұлшықет тонусы артады, жүйке жүйесі нығаяды, стресс деңгейі төмендейді. Бұл тұрақты тасымалдау түрін пайдалану жүрек ауруы, инсульт, артрит, депрессия және қант диабеті қаупін азайтуға көмектесетіндігі жөнінде оушыларға айтып түсіндірілді. Оқушылар үйлерінен өздерінің велосипедтерін алып келіп, мектеп маңында жарыстар ұйымдастырылып өткізілді.