«Игі істер» науқаны бойынша «Жақсылық жасап жарысайық» шарасы

Бүгін №102 жалпы білім беретін мектептің 11 «А» сынып оқушылары «Игі істер» науқаны бойынша «Жақсылық жасап жарысайық» шарасына қатысты. Шараның мақсаты – қарттарымызды құрметтеу, оларға қамқорлық көрсету және қоғамда жақсылық пен мейірімділікті насихаттау болып табылады. Сонымен қатар, бұл акция қоғамдағы ынтымақ пен бірлікті нығайтып, жас буынға үлкендерді сыйлау мен қадірлеудің маңыздылығын көрсетуге бағытталған.
Шара барысында оқушылар қарияларымызға қажетті заттары мен тәттілерін ұсынып, оларға жылы лебіздерін білдірді. Асыл қарттарымыз да өздерінің алғыстарын жаудырып, бітіруші түлектерге жарқын болашақ тіледі.